哈囉喂👻🎃
記起當年拍拖嘅往事，話說我好驚玩鬼屋，但由於公司有免費飛去玩鬼屋，無理由唔玩㗎嘛，於是同當年仍係我男朋友嘅老公一齊去。
入鬼屋前要排隊，企喺我哋後面係兩個男仔。排咗一陣終於有得入去，我哋算係隊尾，開頭以為會比較安全，因為睇住前面啲人點比人嚇，但點知隊尾都不停有鬼追住我哋嚟嚇🧟♀️🧛♂️🧟🧛🏻♀️😱
我仲記得嗰兩個男仔一啲都唔驚，仲好hea好敷衍地：「嘩，好驚喎～🌚😑」
而我就全程不停勁高分貝🙈：「啊！呀！啊！嘩！⋯⋯⋯」然後真心好驚咁翹實男朋友手臂。
呢個時候，聽到兩個男仔係後面傳出好後悔嘅聲音：「Deee~~~早知帶埋啲囡嚟啦！」🤡🤣
🎃🎃🎃🎃🎃🎃🎃🎃🎃🎃🎃🎃🎃
而家玩過咩已經唔記得，凈係記得佢哋好好笑嘅對話😂。
年紀開始大，體力心力漸減，已經唔會周圍一班friend扮鬼扮馬圍威喂，而且，對住屋企隻小嘩鬼👻，日日都可以係Halloween😑
今年好似鬼屋唔開？！應該個個去晒酒吧玩，今晚大家玩得開心啲，同埋做足防疫措施👹
Happy Halloween 🍻🎃
Search